ತಂತ್ರಾಗ್ನಿ (ಇಬುಕ್)

ಮೂಢನಂಬಿಕೆಗಳಿಗೆ ಇಂಬು ಕೊಡುವ ಪುಸ್ತಕ. ಹಣ ಮತ್ತು ಸಮಯ ಎರಡೂ ಹಾಳು. ಏನೂ ಇಷ್ಟವಾಗಲಿಲ್ಲ.

ತಂತ್ರಾಗ್ನಿ (ಇಬುಕ್)

ಕಾದಂಬರಿ ಅದ್ಭುತವಾಗಿತ್ತು! ತಂತ್ರವಿದ್ಯೆಗೆ ಸಂಬಂಧಿಸಿದ ಆಳವಾದ ಅಧ್ಯಯನ ಬರಹಕ್ಕೆ ವಿಶೇಷ ಮೆರುಗು ತಂದುಕೊಟ್ಟಿದೆ. ಕಥೆ ಮುಂದುವರಿದಂತೆ ಮುಂದೇನಾಗತ್ತೋ ಅನ್ನೋ ಕುತೂಹಲವೂ ಮುಂದುವರಿಯುತ್ತೆ. ದಕ್ಷಿಣದ ಚಿರಿಯನ್ ಕಾವಿನಿಂದ ಉತ್ತರದ ಶಿಖರಪುರಿವರೆಗೆ ಹರಡಿಕೊಂಡಿರುವ ಸನ್ನಿವೇಶಗಳು, ಪಾಶ್ಚಾತ್ಯ ದೇಶಗಳ ತಂತ್ರವಿದ್ಯೆಯನ್ನೊಳಗೊಂಡ ಕೆಲವು ಸನ್ನಿವೇಶಗಳು, ಕಥಾ ಚೌಕಟ್ಟಿನಲ್ಲಿ ಶಿಷ್ಯ ತನ್ನ ಗುರುವಿಗೇ ಗುರುವಾಗೋದು!(ಹೇಗೆ ಅಂತ ಕಾದಂಬರಿ ಓದೇ ತಿಳಿಯಬೇಕು) ಎಲ್ಲವೂ ಬಹಳ ಹಿಡಿಸಿತು. ಡಾರ್ಕ್/ಹಾರರ್ ಜಾನರ್ ಇಷ್ಟಪಡೋರು ಖಂಡಿತ ಓದಲೇಬೇಕಾದ ಪುಸ್ತಕವಿದು. ಒಳ್ಳೆ ಮಜಾ ಕೊಡತ್ತೆ🔥

"ತಂತ್ರಾಗ್ನಿ" ಕಾದಂಬರಿ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ, ಪ್ರತಿಯೊಂದು ಪಾತ್ರಗಳು ಕಣ್ಣ ಮುಂದೆ ನಡೆದಿದೆ ಅಂತ ಅನಿಸುತ್ತದೆ. ತಾಂತ್ರಿಕ ಲೋಕದ ಬಗ್ಗೆ ತುಂಬಾ ಹತ್ತಿರದಿಂದ ಅಧ್ಯಯನ ಮಾಡಿರುವುದು ಅಂತನಿಸುತ್ತದೆ. ಯಂಡಮೂರಿ ವೀರೇಂದ್ರನಾಥ್ ಅವರ ಕಾದಂಬರಿಗಳು "ತುಳಸಿದಳ", ಲೇಖಕ ಕೌಂಡಿನ್ಯ ಅವರ ಕಾದಂಬರಿ ಫಾಲನೇತ್ರ ಕಾದಂಬರಿಗಳನ್ನು ಓದಿ ಹಲವು ವರ್ಷಗಳ ನಂತರ ಅದೇ ರೀತಿ ಕಾದಂಬರಿ ಸಿಕ್ಕಿದ್ದು "ತಂತ್ರಾಗ್ನಿ"

ಕಥಾನಾಯಕ ಎಲ್ಲವೂ ಮುಗಿದು ಹೋಯಿತು ಎಂದು ಕೈ ಚೆಲ್ಲಿದಾಗ ಅಂತ್ಯಕ್ಕೆ ಮತ್ತೊಂದು ಆರಂಭವಾದಂತೆ silver liningನಂತೆ ಕಾಣುವ ಆಕಸ್ಮಿಕ ದಾರಿ , ವಿಜ್ಞಾನಕ್ಕೆ ನಿಲುಕದ ಯಂತ್ರ-ತಂತ್ರ-ಮಂತ್ರ ಗಳ ಅಜ್ಞಾತ ಹಾದಿಯಲ್ಲಿ ಕರ್ಣ ಪಿಶಾಚಿಯ ಸಿದ್ಧಿಯ ಅನುಭವ-ತೊಳಲಾಟದೊಂದಿಗೆ, ಗುರುಪರಂಪರೆ-ಪುನರ್ಜನ್ಮ ಗಳ ನಿಗೂಢ ವಿಷಯಗಳನ್ನೊಳಗೊಂಡ ರೋಚಕ ಕಥಾನಕ "ತಂತ್ರಾಗ್ನಿ". ಇದು ನನಗೆ ಪ್ಯಾಪಿಲಾನ್ ನಂತರ ರೋಮಾಂಚನ ಉಂಟು ಮಾಡಿದ ಕೃತಿ. ಹೀಗೆ ಸಾಹಿತ್ಯ ಕೃಷಿ ತಮ್ಮಿಂದ ಮುಂದುವರೆಯಲಿ ಎಂದು ಕರ್ತೃ ಶ್ರೀ ಗಣೇಶ ಪ್ರಸಾದ್ ಮಂಜೇಶ್ವರ ರವರಿಗೆ ಸ್ನೇಹ ಪೂರ್ವಕ ಶುಭಾಹಾರೈಕೆಗಳು