ನಾ ಕಂಡ ಕೆನಡಾ

ನಾ ಕಂಡ ಕೆನಡ ಪುಸ್ತಕವನ್ನು ಓದಿದೆ ಚೆನ್ನಾಗಿ ಮೂಡಿ ಬಂದಿದೆ ಮೊದಲನೆಯ ಸಲ ವಿದ್ಯಾಭ್ಯಾಸಕ್ಕಾಗಿ ಮತ್ತು ಪ್ರವಾಸಕ್ಕೆ ಹೋಗಿ ಬರುವವರಿಗೆ ತುಂಬಾ ಉಪಯೋಗವಾಗುತ್ತದೆ. ಎಲ್ಲವನ್ನು ಸವಿವರವಾಗಿ ತಿಳಿಸಿರುವುದರಿಂದ ಹೊರಡುವ ಮೊದಲೇ ಹೆಚ್ಚಿನ ಮಾಹಿತಿ ಸಿಕ್ಕಂತಾಗುತ್ತದೆ.

ನಾ ಕಂಡ ಕೆನಡ

ತಾವು ಕಂಡದ್ದನ್ನು, ವಿವಿಧ ಕೋನಗಳಲ್ಲಿ ವೀಕ್ಷಿಸಿ, ಅದರಲ್ಲಿ ಇರುವ ಹಾಸ್ಯ, ಜೀವನದ ಅನುಭವ, ನಾವು ಅದರಿಂದ ಕಲಿಯ ಬಹುದಾದ ಪಾಠ ಇವೆಲ್ಲವನ್ನು ಪರಾಮರ್ಶಿಸಿ, ಅದನ್ನು
ತನ್ನ ಸ್ನೇಹಿತರಿಗೆ, ಹಿತೈಷಿಗಳಿಗೆ ಮನಮುಟ್ಟುವ ಹಾಗೆ, ಹೇಳಬಲ್ಲ
ಮತ್ತು ಪುಸ್ತಕ ರೂಪದಲ್ಲಿ ಬರೆಯಬಲ್ಲ, ಗೆಳೆಯ ಶ್ರೀ
ಕೆಳದಿ ರಾಮಚಂದ್ರ ಅವರ ಮತ್ತೊಂದು ಬರಹ ನಾ ಕಂಡ
ಕೆನಡ ಓದಿದೆ. ಎಂದಿನ ಅನುಭವದ ಶೈಲಿಯಲ್ಲಿ ಪುಸ್ತಕದಲ್ಲಿ
ಲೇಖನ ಮೂಡಿಬಂದಿದೆ.

ಒಂದು ಪುಸ್ತಕವನ್ನು ಬರೆಯಬೇಕಾದರೆ ಏನೆಲ್ಲಾ ವಿಷಯ
ಸಂಗ್ರಹ ಮಾಡಬೇಕು , ಹಾಗೂ ಅದನ್ನು ವ್ಯವಸ್ಥಿತವಾಗಿ ಬರಹದಲ್ಲಿ ಓದಿಸಿಕೊಂಡು ಹೋಗುವಂತೆ ಬರೆಯಬೇಕು ಎನ್ನುವುದಕ್ಕೆ ಈ ಪುಸ್ತಕ ಒಂದು ಉದಾಹರಣೆ ಕೂಡ.

ಬೆಂಗಳೂರಿನಿಂದ ಹೊರಡಬೇಕಾದರೆ ಮಾಡಿಕೊಳ್ಳುವ
ಸಿದ್ಧತೆಯಿಂದ ಹಿಡಿದು, ವಿದೇಶಕ್ಕೆ ಹೊರಡಲು ಪಾಲಿಸಬೇಕಾದ ಎಲ್ಲಾ ನಿಯಮಗಳನ್ನೂ ತಿಳಿಸಲಾಗಿದೆ, ಪ್ರವಾಸಿಯಾಗಿ, ವಿದ್ಯಾಭ್ಯಾಸಿಯಾಗಿ ಅಥವಾ ನೌಕರಿಗಾಗಿ ಹೋಗುವವರಿಗೆ
ಬೇಕಾದ ಮಾಹಿತಿ ಇಲ್ಲಿದೆ

ಇನ್ನೂ ಕೆನಡ ದೇಶದ ಭೌಗೋಳಿಕ, ಸಾಂಸ್ಕೃತಿಕ, ಕೃಷಿಕ, ಶೈಕ್ಷಣಿಕ
ಹಾಗೂ ಪ್ರವಾಸದ ವಿಷಯಗಳನ್ನು ವಿಸ್ತಾರವಾಗಿ ತಿಳಿಸಿದ್ದೀರಿ.
ಸೇತುವೆ ನಿರ್ಮಿಸಲು ದಶಮಾನದ ಹಿಂದೆಯೇ, ಮರವನ್ನು
ಉಪಯೋಗಿಸಿರುವುದು ಮತ್ತು ಅದು ನೀರಿನಲ್ಲಿ ಇದ್ದರೂ ಇನ್ನೂ ಏನೂ ಅಗದಿರುವುದನ್ನು ಓದಿ ಆಶ್ಚರ್ಯವಾಯಿತು,
ಒಂದು ದೇಶದ ಎಲ್ಲಾ ವಿಷಯವನ್ನು ಪುಸ್ತಕದಲ್ಲಿ ಅಳವಡಿಸಿದ್ದೀರಿ
ಬಹುಶಃ ರಾಜಕೀಯ ಇತಿಹಾಸವನ್ನು ಬಿಟ್ಟರೆ ಮಿಕ್ಕೆಲ್ಲ ವಿಷಯ
ಪುಸ್ತಕದಲ್ಲಿ ಇದೆ.

ನಿಮ್ಮ ಅನುಭವವನ್ನು ಪುಸ್ತಕ ರೂಪದಲ್ಲಿ ಕನ್ನಡಿಗರಿಗೆ
ಅರ್ಪಿಸಿದ್ದಕ್ಕೆ ಅಭಿನಂದನೆಗಳು.

Pushpa Sharma
ಶಾಸ್ತ್ರಿ ನಗರ ಬೆಂಗಳೂರು
20/11/2024

ಈ ಪುಸ್ತಕವನ್ನುಓದಿದ ನಂತರ " ಕುಳಿತಲ್ಲೇ ಕೆನಡಾ" ಎನ್ನಬಹುದೇನೋ! ಆ ದೇಶದ ಇತಿಹಾಸ, ಮಹತ್ವ ವಿಶೇಷಗಳನ್ನು ಅಧ್ಯಾಯಗಳ ತಲೆಬರಹದೊಂದಿಗೆ ಸರಳವಾಗಿ ನೀಡಿದ್ದಾರೆ. ಆದೇಶದ ಮುಂದಾಲೋಚನೆ, ಜನತೆಯ ಬಗೆಗಿನ ಕಾಳಜಿ, ಇತರ ದೇಶಗಳ ಯುವಜನತೆಗೆ ಅಲ್ಲಿ ಉತ್ತಮ ಆಶಾದಾಯಕವಾದ ಭವಿಷ್ಯದೊಂದಿಗೆ ನೆಲೆಯೂರಲು ಇರುವ ಅವಕಾಶಗಳ ಸ್ಪಷ್ಟತೆ ಇದೆ. ಅಲ್ಲಿಯ ಅಂಚೆ ಮತ್ತು ತ್ಯಾಜ್ಯವಿಲೇವಾರಿಯ ಅಂಶಗಳು ಹೊಸ ಸೇವೆಗಳನ್ನು ಆಚರಣೆಗೆ ತರಲು ಸ್ಫೂರ್ತಿ ನೀಡುತ್ತವೆ. ಇನ್ನು ಅಲ್ಲಿಯ ವಸತಿ, ಕಟ್ಟಡಗಳ ಸುರಕ್ಷತೆ, ಅಗತ್ಯ, ವೆಚ್ಚ, ಆಹಾರದ ವೈವಿಧ್ಯತೆ, ಹಣಕಾಸಿನ ವಿಷಯಗಳಂತೂ ಉಪಯುಕ್ತವೇ ಸರಿ. ಅಲ್ಲಿಯ ಶೌಚಶುದ್ಧಿಯಂತೂ ಆಚರಣೆಯ ಅನುಮಾನಗಳಿಗೆ ಉತ್ತರದಂತಿದೆ. ಕಡೆಯಲ್ಲಿ ತಮ್ಮ ಸ್ವಂತ ಅನುಭವದೊಂದಿಗೆ ಜೀವನದ, ಜೀವಿಸುವ ರೀತಿಯನ್ನೂ ಮುಕ್ತವಾಗಿ, ಹಾಸ್ಯ ಬೆರೆತ ಅಧ್ಯಾತ್ಮದೊಂದಿಗೆ ಬೆರೆಸಿ, ಹಿರಿಯರಿಗೂ ಸಂದೇಶ ನೀಡಿ, "ಸರ್ವೇಜನಾಃ ಸುಖಿನೋ ಭವಂತು" ಎಂಬ ನುಡಿಯನ್ನು ಕಾರ್ಯರೂಪಕ್ಕೆ ಇಳಿಸಿರುವ ಶ್ರೀ ರಾಮಚಂದ್ರರವರಿಗೆ ನನ್ನ ಹೃತಪೂರ್ವಕ ಧನ್ಯವಾದಗಳು.

ಈ ಪುಸ್ತಕದ ವೈಶಿಷ್ಟ್ಯವೇನೆಂದರೆ, ಅದರಲ್ಲಿನ ಮಾಹಿತಿ ಸಂಗ್ರಹವನ್ನು ವಿಚಾರಾಧಾರಿತವಾಗಿ ಪ್ರತ್ಯೇಕ ಭಾಗಗಳಾಗಿ ಹಂಚಿದಂತೆ, ಓದುಗರಿಗೆ ಬೇಕಾದ ವಿಚಾರಗಳನ್ನು ಸರಳವಾಗಿ ಹಾಗೂ ಸೂಕ್ತವಾಗಿ ಪಡೆಯಲು ಸಾಧ್ಯವಾಗುತ್ತದೆ. ಇದು ಪ್ರವಾಸಿಗರಿಗೆ ನೆಮ್ಮದಿ ಮತ್ತು ಸುರಕ್ಷತೆ ಭಾವನೆಯನ್ನು ಉಂಟುಮಾಡುತ್ತದೆ. ಮೊತ್ತಮೊದಲು, ನೀವು ಅನ್ವೇಷಿಸಬೇಕಾದ ಸ್ಥಳಗಳ ಬಗ್ಗೆ ಪೂರ್ಣ ಮಾಹಿತಿಯೊಂದಿಗೆ ಹತ್ತಿರವಾದ ಪ್ರವಾಸಿ ತಾಣಗಳನ್ನು ತಿಳಿಯಲು ಇದು ಅತ್ಯಂತ ಉಪಯುಕ್ತವಾಗಿದೆ.

ತಮ್ಮ ಪ್ರವಾಸವನ್ನು ಸುಗಮವಾಗಿ ಮತ್ತು ಆಸಕ್ತಿಯಿಂದ ಅನುಭವಿಸಲು ಇದು ಅತ್ಯುತ್ತಮ ಸಹಾಯಕ ಪುಸ್ತಕವಾಗಿದೆ. ನಾನು ಓದುಗರಿಗೆ ಈ ಪುಸ್ತಕವನ್ನು ನಿಜಕ್ಕೂ ಶಿಫಾರಸು ಮಾಡುತ್ತೇನೆ.

ನಾ ಕಂಡ ಕೆನಡಾ ಎಂಬ ಈ ಪುಸ್ತಕವು ಮಾಸ್ಟರ್ ಪದವಿ ಕಲಿಯಲು ಹೋಗುವ ವಿದ್ಯಾರ್ಥಿಗಳು, ಪಿಆರ್ ವೀಸಾ ಮೇಲೆ ಕೆಲಸಕ್ಕೆ ಹೋಗುವವರು ಆ ದೇಶಕ್ಕೆ ಶೀಘ್ರವಾಗಿ ಹೊಂದಿಕೊಳ್ಳಲು, ಈ ಪುಸ್ತಕವನ್ನು ಓದಿದರೆ ಅವರಿಗೆ ಸಹಾಯಕವಾಗುತ್ತದೆ ಎಂದು ನನ್ನ ಅನಿಸಿಕೆ.