Click here to Download MyLang App

ಪಂಪನ ಆದಿಪುರಾಣ ಪ್ರವೇಶ (ಇಬುಕ್)

ಪಂಪನ ಆದಿಪುರಾಣ ಪ್ರವೇಶ (ಇಬುಕ್)

e-book

ಪಬ್ಲಿಶರ್
ಬಿ.ಆರ್. ವೆಂಕಟರಮಣ ಐತಾಳ
ಮಾಮೂಲು ಬೆಲೆ
Rs. 60.00
ಸೇಲ್ ಬೆಲೆ
Rs. 60.00
ಬಿಡಿ ಬೆಲೆ
ಇಶ್ಟಕ್ಕೆ 

ಗಮನಿಸಿ: ಮೊಬೈಲ್ ಆಪ್ ಮೂಲಕ ಕೊಳ್ಳುವಾಗ ನಿಮಗೆ ತೊಂದರೆ ಬರುತ್ತಿದ್ದಲ್ಲಿ, ಮೊಬೈಲ್/ಕಂಪ್ಯೂಟರ್ ಬ್ರೌಸರ್ ಬಳಸಿ www.mylang.in ಮೂಲಕ ಕೊಂಡುಕೊಳ್ಳಿ.

Attention: If you are facing problems while buying, please visit www.mylang.in from your mobile/desktop browser to buy

Share to get a 10% discount code now!

GET FREE SAMPLE

 

ಪ್ರಕಾಶಕರು: ಅಕ್ಷರ ಪ್ರಕಾಶನ

Publisher: Akshara Prakashana

 

ಕನ್ನಡ ಸಾಹಿತ್ಯವನ್ನು ಪ್ರವೇಶಿಸಬಯಸುವ ಹೊಸ ಓದುಗರಿಗೆ ಕನ್ನಡದ ಪ್ರಮುಖ ಲೇಖಕರ ಆಯ್ದ ಬರಹಗಳ ಕಿರುವಾಚಿಕೆಗಳು ಲಭ್ಯವಾಗಬೇಕು -- ಎಂಬ ಉದ್ದೇಶವಿಟ್ಟುಕೊಂಡು ಅಕ್ಷರ ಪ್ರಕಾಶನವು ಈ ಪುಸ್ತಕಮಾಲಿಕೆಯನ್ನು ಆರಂಭಿಸಿದೆ. ತಲಾ 108 ಪುಟಗಳ ಈ ಪುಸ್ತಕಗಳಲ್ಲಿ -- ಆಧುನಿಕಪೂರ್ವ ಕನ್ನಡದ ಮಹತ್ಕೃತಿಗಳೂ (ಟಿಪ್ಪಣಿಗಳೊಂದಿಗೆ) ಹಾಗೂ ಹೊಸಗನ್ನಡದ ಪ್ರಮುಖ ಲೇಖಕರ ಆಯ್ದ ಕಥೆ-ಕವನ-ಪ್ರಬಂಧಗಳೂ ಮತ್ತು ಕೆಲವು ಕನ್ನಡೇತರ ಲೇಖಕರ ಆಯ್ದ ಬರಹಗಳ ಸಂಗ್ರಹಗಳೂ ಸೇರಿವೆ. ಆಯಾ ಲೇಖಕರನ್ನು ಮೊದಲ ಬಾರಿಗೆ ಪರಿಚಯಿಸಿಕೊಳ್ಳುವವರಿಗೆ ಉಪಯುಕ್ತವಾಗುವಂತೆ ಈ ಪುಸ್ತಕಗಳ ವಸ್ತು- ವಿನ್ಯಾಸಗಳನ್ನು ರೂಪಿಸಲಾಗಿದೆ. ಮಾರುಕಟ್ಟೆಗೆ ಬಿಡುಗಡೆಯಾಗುವ ಜತೆಗೆ, ಈ ಮಾಲಿಕೆಯ ಪುಸ್ತಕಗಳನ್ನು ನೀನಾಸಮ್ ಪ್ರತಿಷ್ಠಾನವು ನಡೆಸುತ್ತಿರುವ ಸಾಹಿತ್ಯ ಅಧ್ಯಯನ ಶಿಬಿರಗಳಲ್ಲಿ ಪಠ್ಯಗಳಾಗಿಯೂ ಬಳಸಲಾಗುತ್ತದೆ.

ಅಕ್ಷರ ಪ್ರಕಾಶನಕ್ಕೆ 50 ತುಂಬಿದ 2೦೦6ನೆಯ ವರ್ಷ, ದಿ| ಕೆ.ವಿ. ಸುಬ್ಬಣ್ಣನವರ ನೆನಪಿಗೆ, ಈ ಹೊಸ ಪುಸ್ತಕಮಾಲೆಯ ಮೊದಲ ಕಂತಿನ 25 ಪುಸ್ತಕಗಳು ಬಿಡುಗಡೆಗೊಂಡವು; 2೦೦7ರಲ್ಲಿ ಎರಡನೆಯ ಕಂತಿನ ಇನ್ನೂ 1೦ ಪುಸ್ತಕಗಳು ಮತ್ತು 2೦೦9ರಲ್ಲಿ ಇನ್ನೂ 15 -- ಹೀಗೆ ಒಟ್ಟು 5೦ ಪುಸ್ತಕಗಳು ಈವರೆಗೆ ಈ ಮಾಲಿಕೆಯಲ್ಲಿ ಪ್ರಕಟಗೊಂಡಿವೆ.

 

ABOUT THE AUTHOR

‘ನಾಡೋಜ’ನೆಂದು ಹೊಗಳಿಸಿಕೊಂಡ ಪಂಪನು ಹುಟ್ಟಿದ್ದು ಕ್ರಿ.ಶ. ೯೦೨-೯೦೩ರಲ್ಲಿ. ಕೃಷ್ಣಾ-ಗೋದಾವರೀ ನದಿಗಳ ನಡುವಿನ ವೆಂಗಿಮಂಡಲದ ‘ವೆಂಗಿಪೞು’ ಪಂಪನ ಹಿರಿಯರ ಊರು; ಹುಟ್ಟೂರು ಬನವಾಸಿ ಇದ್ದಿರಬಹುದು ಎಂದು ಊಹೆ. ಅವನು ಕವಿಯಾಗಿ ಪ್ರಸಿದ್ಧನಾದುದು ಇಂದಿನ ವೇಮುಲವಾಡದಲ್ಲಿ ಆಳುತ್ತಿದ್ದ ಚಾಲುಕ್ಯ ದೊರೆ ೨ನೆಯ ಅರಿಕೇಸರಿಯ ಆಸ್ಥಾನದಲ್ಲಿ. ಪಂಪನ ಗುರು ದೇವೇಂದ್ರಮುನಿ. ಹಿಂದಿನ ಜೈನ ಗುರು ಜಿನಸೇನಾಚಾರ್ಯರ ಪೂರ್ವ ಪುರಾಣವನ್ನು ಆಧರಿಸಿ ‘ಆದಿಪುರಾಣ’ವನ್ನೂ ವ್ಯಾಸಭಾರತವನ್ನು ಆಧರಿಸಿ ‘ವಿಕ್ರಮಾರ್ಜುನವಿಜಯ’ವನ್ನೂ ಬರೆದಿದ್ದಾನೆ. ಕ್ರಿ.ಶ. ಸು. ೯೪೧-೯೪೨ರಲ್ಲಿ ಆದಿಪುರಾಣವನ್ನೂ; ೩-೪ ವರ್ಷಗಳ ಅನಂತರ ಪಂಪಭಾರತವನ್ನೂ ಬರೆದಿದ್ದಾನೆ. ಅವನ ತಮ್ಮ ಜಿನವಲ್ಲಭನ ಶಾಸನದ ಆಧಾರದಿಂದ ಕ್ರಿ.ಶ. ೯೪೬ರ ಮೊದಲು ಪಂಪ ಮರಣಹೊಂದಿರಬಹುದೆಂದು ಊಹಿಸಲಾಗಿದೆ. ‘ಕವಿತಾಗುಣಾರ್ಣವ’ ಪಂಪನ ಬಿರುದು. ತನ್ನ ಎರಡು ಕಾವ್ಯಗಳಲ್ಲಿ ಧರ್ಮ-ಲೌಕಿಕಗಳನ್ನು ಮೆರೆದುದಾಗಿ, ದೇಸಿ-ಮಾರ್ಗಗಳ ಹಾಸುಹೊಕ್ಕಿನ ತಿರುಳುಗನ್ನಡದಲ್ಲಿ ಬರೆದುದಾಗಿ ಅವನು ಹೇಳಿಕೊಂಡಿದ್ದಾನೆ.

 

ಪುಟಗಳು: 108

 

ಈಗ ಓದಿ ಮೈಲ್ಯಾಂಗ್ ಆ್ಯಪ್ ಮೂಲಕ ಎಲ್ಲಿಂದ, ಯಾವಾಗ ಬೇಕಿದ್ದರೂ ನಿಮ್ಮ ಮೊಬೈಲಿನಲ್ಲೇ !