Click here to Download MyLang App

ಹುಲಿ ಪತ್ರಿಕೆ - 2 (ಇಬುಕ್)

ಹುಲಿ ಪತ್ರಿಕೆ - 2 (ಇಬುಕ್)

e-book

ಪಬ್ಲಿಶರ್
ಅನುಷ್ ಎ ಶೆಟ್ಟಿ
ಮಾಮೂಲು ಬೆಲೆ
Rs. 130.00
ಸೇಲ್ ಬೆಲೆ
Rs. 130.00
ಬಿಡಿ ಬೆಲೆ
ಇಶ್ಟಕ್ಕೆ 
Share to get a 10% discount code now!

ಪ್ರಕಾಶಕರು: ಅನುಗ್ರಹ ಪ್ರಕಾಶನ

Publisher: Anugraha Prakashana

 

ಬರೆದವರು: 

ಅನುಷ್ ಶೆಟ್ಟಿ

ಸ್ವಲ್ಪ ನಿಧಾನಕ್ ಹೋಗು ಅಬು.. ನೆನಿಬೇಕು ಅನ್ನುಸ್ತಿದೆ” ಎಂದಳು ವೇದ. ಸಂತು ಏನೂ ಮಾತಾಡದೆ ಲೂನಾ ಹಿಂದಿನ ಕಂಬಿಯನ್ನು ಬಿಗಿಯಾಗಿ ಹಿಡಿದು ಕುಳಿತಿದ್ದ. ಅಬು ಆಕ್ಸಲೇಟರ್ ಹ್ಯಾಂಡಲನ್ನು ಸಂಪೂರ್ಣವಾಗಿ ತನ್ನೆಡೆಗೆ ತಿರುಗಿಸಿದರೂ, ಮೂವರನ್ನು ಕೂರಿಸಿಕೊಂಡು ದಾವಣಿ ಬೀದಿಯ ದಿಣ್ಣೆಯನ್ನು ಹತ್ತಲು ಏಗುತ್ತಿದ್ದ ಲೂನಾ ವೇಗವಾಗಿ ಚಲಿಸಲು ಸಾಧ್ಯವೂ ಇರಲಿಲ್ಲ. ಆ ಏಗಾಟದ ಶಬ್ಧವೂ ಅವರಿಗೆ ಕೇಳದಷ್ಟು ಜೋರಾಗಿ ಮಳೆ ಸುರಿಯಲಾರಂಭಿಸಿತು. ಹೀಗೆ ನಿಧಾನ ಗತಿಯಲ್ಲಿಯೇ ಅವರೆಲ್ಲ ವೇದಾಳ ಮನೆಯೆದುರು ಬರುತ್ತಿದ್ದಂತೆಯೇ ಅದಾಗಲೇ ಮನೆಯ ಮುಂದೆ ನಿಂತಿದ್ದ ವಾಹನವೊಂದರ ಹೆಡ್‍ಲೈಟ್‍ನ ಬೆಳಕು ಮಳೆಯ ಪರದೆಯ ಸೀಳಿ ಅಬುವಿನ ಕಣ್ಣು ಕೋರೈಸಿತು. ಇಷ್ಟು ಹೊತ್ತಲ್ಲಿ ಯಾರಿರಬಹುದೆಂಬ ಕುತೂಹಲದಲ್ಲೇ ಮೂವರೂ ಇನ್ನೂ ಹತ್ತಿರಾಗಿ ನೋಡಿದಾಗಲೇ ತಿಳಿದದ್ದು ಅದು ಪೊಲೀಸ್ ಜೀಪ್ ಎಂದು. ಅಬು ಜೀಪ್ ಮುಂದೆಯೆ ಲೂನಾ ನಿಲ್ಲಿಸಿದ. ಮೂವರೂ ಲೂನಾದಿಂದ ಕೆಳಗಿಳಿಯುತ್ತಲೇ ಕೇಶವ್ ಕೂಡ ಕೊಡೆ ಹಿಡಿದು ಜೀಪ್‍ನಿಂದ ಕೆಳಗಿಳಿದರು. ಸ್ಟೇರಿಂಗ್ ಹಿಡಿದು ಕೂತಿದ್ದ ಹರೀಶನೂ ಮಳೆಯಲ್ಲಿ ನೆನೆಯುತ್ತ ಕೆಳಗಿಳಿದ. ಹಿಂದಿನ ಸೀಟಿನಿಂದ ಇಳಿದ ರಂಗಪ್ಪನು ತಲೆಗೆ ಟವಲ್ ಹಿಡಿದು ನಿಂತ. ವೇದ ಏನೂ ಅರ್ಥವಾಗದೆ ಮೂವರನ್ನೂ ಒಮ್ಮೆ ದಿಟ್ಟಿಸಿದಳು. ಅವಳನ್ನು ನೋಡುತ್ತಿದ್ದ ಕೇಶವ್ ತಮ್ಮ ಪ್ಯಾಂಟ್‍ನ ಜೇಬಿನಿಂದ ಮಡಚಿದ್ದ ಹಾಳೆಯೊಂದನ್ನು ಹೊರತೆಗೆದು ವೇದಾಳಿಗೆ ಕಾಣುವಂತೆ ಹಿಡಿದರು. ಅವಳಿಗೆ ಅರ್ಥವಾಯಿತು. ಮಳೆಯ ನೀರಲ್ಲಿ ಹಣೆಗಂಟಿದ್ದ ಮುಂದಲೆಯ ಕೂದಲನ್ನು ಹಿಂದಕ್ಕೆ ಸವರಿ ಅಸಹ್ಯದಿಂದ ರಂಗಪ್ಪನನ್ನೊಮ್ಮೆ ನೋಡಿದಳು. ಹೆಡ್‍ಲೈಟ್‍ನ ಬೆಳಕಲ್ಲಿ ಕಾಣುತ್ತಿದ್ದ ಆ ಅವಳ ಕೊಂಚ ಕೆಂಪಾಗಿದ್ದ ಕಂಗಳನ್ನು ಎದುರಿಸಲಾಗದ ರಂಗಪ್ಪ ಮನೆಯೊಳಗೆ ನಡೆದ. ವೇದ ಹತಾಶೆ ಮತ್ತು ಶರಣಾಗತಿಯಿಂದ ಅಬು ಮತ್ತು ಸಂತುವನ್ನೊಮ್ಮೆ ನೋಡಿ ಮುಗುಳ್ನಕ್ಕಳು. ಮಳೆಯು ಆರ್ಭಟಿಸತೊಡಗಿತು

ಭರವಸೆಯ ಯುವ ಬರಹಗಾರ ಅನುಷ್ ಶೆಟ್ಟಿಯವರ ಆರನೆಯ ಕಾದಂಬರಿ "ಹುಲಿ ಪತ್ರಿಕೆ - 2" ಈಗ ಓದಿ ಮೈಲ್ಯಾಂಗ್ ಆ್ಯಪ್ ಮೂಲಕ ಎಲ್ಲಿಂದ, ಯಾವಾಗ ಬೇಕಿದ್ದರೂ ನಿಮ್ಮ ಮೊಬೈಲಿನಲ್ಲೇ !

 

 ಪುಟಗಳು: 200

Customer Reviews

Based on 5 reviews
100%
(5)
0%
(0)
0%
(0)
0%
(0)
0%
(0)
R
Raghavendra A

ಹುಲಿ ಪತ್ರಿಕೆ - 2 (ಇಬುಕ್)

S
Sanjay M E

ಹುಲಿ ಪತ್ರಿಕೆ - 2 (ಇಬುಕ್)

D
Divya Shivanna
ಇತ್ತೀಚಿನ ದಿನಗಳಲ್ಲಿ ಬಂದ ಉತ್ತಮ ಪುಸ್ತಕ

ನಮ್ಮ ಸಮಾಜದಲ್ಲಿ ನಡೆಯುತ್ತಿರುವುದನ್ನು ಒಂದು ಪುಟ್ಟ ಹಳ್ಳಿಯ ಕಥೆಯಲ್ಲಿ ಹೇಳಿದ್ದಾರೆ. ತುಂಬಾ ಚೆನ್ನಾಗಿದೆ.

N
Nayaz Riyazulla
ಹುಲಿಯ ಹುಡುಕಲು ಹೋಗಿ, ರಕ್ಕಸರು ಕಂಡಾಗ

ಅನುಷ್, ಈ ಪುಸ್ತಕ ಓದುವಾಗ ನಿಮ್ಮ ಕಿಟಕಿಯಾಚೆ ಮಳೆಯಾಗುತ್ತಿರಲಿ ಎಂದು ಆಶಿಸುತ್ತೇನೆ ಎಂದು ಮುನ್ನುಡಿಯಲ್ಲಿ ಬರೆದಿದ್ದಾರೆ... ಆ ಆಶಯ ನನ್ನ ಮಟ್ಟಿಗಂತೂ ಸತ್ಯವಾಗಿದೆ, ಇಂದು ಬೆಂಗಳೂರಿನಲ್ಲಿ ಜೋರು ಮಳೆ.... ಮಳೆ ಇಲ್ಲದಿದ್ದರೂ ಮಳೆಯಲ್ಲೇ ಕೂತು ಓದುತಿದ್ದೆವೇನೋ ಎಂದು ಓದುಗನಿಗೆ ಅನ್ನಿಸುವಷ್ಟು ಸೊಗಸಾಗಿ ಬರೆಯುತ್ತಾರೆ ಅನುಷ್.

ಹುಲಿ ಪತ್ರಿಕೆ ಭಾಗ 1 ಪ್ರಶ್ನೆಪತ್ರಿಕೆಯಾದರೆ, ಹುಲಿ ಪತ್ರಿಕೆ ಭಾಗ 2 ಆ ಪ್ರಶ್ನೆಪತ್ರಿಕೆಯ ಉತ್ತರಪತ್ರಿಕೆ.... ಅಲ್ಲಿ ಎಲ್ಲರ ಕಥೆಯನ್ನು ಒಂದು ಕುತೂಹಲ ಹಂತಕ್ಕೆ ತಂದು ನಿಲ್ಲಿಸಿ, ಈ ಭಾಗದಲ್ಲಿ ಎಲ್ಲರ ಕಥೆಗೂ ಸಮರ್ಥವಾದ ಅಂತ್ಯವನ್ನು ನೀಡಿ ಗೆದ್ದಿದ್ದಾರೆ.

ಸಾರಂಗನು, ಪತ್ರಿಕೆಯ ಸ್ವಾತಂತ್ರ ಮತ್ತು ಈಗಿನ ಪತ್ರಿಕೆಗಳ ಕೀಳು ರಾಜಕೀಯದ ಬಗ್ಗೆ ಮಾತನಾಡುವ ಸಂಭಾಷಣೆ ಇಷ್ಟವಾಗುತ್ತದೆ. ಡಿಟೇಕ್ಟಿವ್ಸ್ ಬಂದ ನಂತರದ ಭಾಗವಂತೂ ಮುಂದಿನ ಪುಟಕ್ಕೆ ಮನಸ್ಸು ಓಡುವಂತೆ ಮಾಡುತ್ತದೆ.

ಅನುಷ್ ಇನ್ನೂ ಹೆಚ್ಚೆಚ್ಚು ಬರೆಯಲಿ. ಈ ಪುಸ್ತಕದ ಯಶಸ್ಸು ಹೀಗೆ ಮುಂದುವರೆಯಲಿ.

A
Asha Rai
ಕಾದಿದ್ದು ಸಾರ್ಥಕ ಆಯಿತು

ಹುಲಿಪತ್ರಿಕೆ ೧ ಓದಿ ಮುಗಿಸಿದಾಗಿಂದ ಭಾಗ ೨ ಯಾವಾಗ ಬರುತ್ತೋ ಅಂತ ಕಾಕನಕೋಟೆಯ ಜನ ಹುಲಿಪತ್ರಿಕೆಗೆ ಕಾದಂತೆ ಕಾದಿದ್ದೆ. ಈ ಮಧ್ಯದಲ್ಲಿ ಅನುಷ್ ಅವರ ಎಲ್ಲ ಪುಸ್ತಕಗಳನ್ನು ಓದಿ ಮುಗಿಸಿ ಆಯಿತು. ರವಿ ಬೆಳಗೆರೆ, ತೇಜಸ್ವಿ ಅವ್ರ ನಂತರ ನನ್ನನ್ನು ಇಷ್ಟು ಚೆನ್ನಾಗಿ ಓದಿಸಿಕೊಂಡು ಹೋಗಿದ್ದು ಅನುಷ್ ಅವ್ರ ಪುಸ್ತಕಗಳು! ಇವತ್ತು ಹುಲಿಪತ್ರಿಕೆ ೨ ಬಂದಿದ್ದೆ ತಡ , ಕೂಡ್ಲೇ ಒಂದೇ ಉಸಿರಿನಲ್ಲಿ ಓದಿ ಮುಗಿಸಿದೆ. ಕಾದಿದ್ದು ಸಾರ್ಥಕ ಆಯಿತು.
ಅನುಷ್ ಅವರ ಹಿಂದಿನ ಪುಸ್ತಕ ನೀನು ನಿನ್ನೊಳಗೆ ಖೈದಿ ಅಂತೂ ೩ ದಿನ ಅದೇ ಗುಂಗಲ್ಲಿರುವಂತೆ ಮಾಡಿತ್ತು. ಹುಲಿಪತ್ರಿಕೆ ಕೊನೆಯಲ್ಲಿ ಡಿಟೆಕ್ಟಿವ್ ಚೈತನ್ಯ ಮಾನ್ವಿಯ ಖೈದಿಯನ್ನು ಹುಡುಕಲು ಹೊರಟಾಗ ಅವರ ಎಲ್ಲ ಕಥೆಗಳು ನಿಜವಾಗಿ ನಡೆದಿತ್ತೆನೋ ಎನ್ನುವಂತಾಯಿತು :) ಇನ್ಯಾವುದೋ ಪ್ಯಾರಲಲ್ ಜಗತ್ತಿನಲ್ಲಿ ;-)