ತಾಳಿಕೋಟೆಯ ಕದನದಲ್ಲಿ (ಆಡಿಯೋ ಬುಕ್)

ಕುಟುಂಬದ ಒಗ್ಗಟ್ಟು, ಸಂಸಾರದ ಸಾಮರಸ್ಯ, ವೃತ್ತಿಯ ಬಗೆಗಿನ ಪ್ರೀತಿ, ಒತ್ತಡ ತರುವ ಆಘಾತ, ಇತಿಹಾಸದ ಬಗ್ಗೆ ಇರಬೇಕಾದ ಹೆಮ್ಮೆ, ಸಾಮಾಜದ ಬಗೆಗಿನ ಕಾಳಜಿ, ಚಿತ್ತ ಸ್ವಾಸ್ಥ್ಯದ ಪ್ರಾಮುಖ್ಯತೆ, ವೈದ್ಯಕೀಯ ಸವಾಲು, ಸ್ನೇಹದ ಮೌಲ್ಯ, ಬದುಕಿನ ಬಗೆಗಿನ ಪ್ರೀತಿ ಎಲ್ಲವನ್ನು ಈ ಕಾದಂಬರಿಯಲ್ಲಿ ಬಹಳಾ ನಾಜೂಕಾಗಿ ವಿಶೇಷವಾದ ಕಥೆಯೊಂದಿಗೆ ಹೆಣೆಯಲಾಗಿದೆ.

ಕಥೆಗೆ ಬೇಕಾದ voice modulation ಅದ್ಭುತವಾಗಿದ್ದು ಕೇಳುವಾಗ ಓದಿದ ಖುಷಿಯನ್ನು ಅನುಭವಿಸಿದಂತಾಗುತ್ತದೆ. ಹೊಸದೊಂದು ಲೋಕದಲ್ಲಿ ಪ್ರಯಾಣಿಸಿದ ಅನುಭವ.

ಕಥೆ ಬರೆದವರಿಗೆ, ಅಚ್ಚುಕಟ್ಟಾಗಿ ಪ್ರಸ್ತುತ ಪಡಿಸಿದವರಿಗೆ ಆಡಿಯೋ ಬುಕ್ ತಂಡಕ್ಕೆ ಹೃತ್ಪೂರ್ವಕ ಧನ್ಯವಾದಗಳು 🙏

ಇದು ಒಂದು ಅದ್ಬುತ ಕಾದಂಬರಿ, ಓದುಗರನ್ನು ವಿಸ್ಮಯ ಲೋಕಕ್ಕೆ ಕೊಂಡುಯುತ್ತದೆ, ಪಾತ್ರಗಳ ವಿನ್ಯಾಸ ಮನ ಮುಟ್ಟುವಂತಿದೆ, ಓದುಗನ ತನು ಮನವನ್ನು ಸಂಪೂರ್ಣವಾಗಿ ಸೇರೆ ಹಿಡಿಯುತ್ತದೆ.

ವಿಠಲ್ ಶೆಣೈ ಯವರ ಅದ್ಭುತ ಪ್ರಯತ್ನ. ವೈಕು - ವಿಶ್ವ ಎಂಬ ಇಬ್ಬರ ಗೆಳೆತನ, ಇದರ ಮೇಲಿದ್ದ ದೆವಿಕಾಳ ಅಸುಯ್ಯೆ ಒಂದು ಸಾಮಾನ್ಯ ಕುಟುಂಬದ ಸನ್ನಿವೇಶಗಳು ಅನಿಸುತಿತ್ತು. ಕಾದಂಬರಿ ಮದ್ಯೇದಲೆಲ್ಲೋ ಬಿರುಸಾಗಿ, ತಾಳಿಕೋಟೆ ಕದನ ಕಥೆ ಮತ್ತು ಬೇರೆ ತಿರುವುಗಳು ಸೇರಿ, ಕೊನೆಗೆ ಒಂದೊಳ್ಳೆ ಅಂತ್ಯ, ನಿಜಕ್ಕೂ, ಓದಲು ಕುಷಿಯಾಯ್ತು. :))

ಕಥೆಯ ಶುರುವಿನಲ್ಲಿ ವೈಕುಂಠ ನ confidence, ಸನ್ನಿವೇಶಗಳ ಪ್ರಕಾರ ಸೇರಿದ self-doubts ನಿಂದ ಮಂಕಾಗಿದ್ದು ಹಾಗೂ ಎಲ್ಲ ತಿಳಿದ ಮೇಲೆ, ನಿಭಾಯಿಸುವ ಹೊಸ ರೀತಿಯ confidence ಒಂದೊಳ್ಳೆ ಪಾತ್ರೆ ನಿರೂಪಣೆ!

This should become film

ವಿಠಲ್ ಶೆಣೈಯವರು 2018ರಲ್ಲಿ ಬರೆದ
*ತಾಳಿಕೋಟೆ ಕದನದಲ್ಲಿ* ಕಾದಂಬರಿಯನ್ನು ನಾನು ಪುಸ್ತಕ ರೂಪದಲ್ಲಿ ಓದಿದ್ದೇನೆ. ಕೃತಿಯ ಹೆಸರಿನಿಂದ ಕಥೆಯು ಚರಿತ್ರೆಗೆ ಸಂಬಂಧಿಸಿದ್ದು ಎನ್ನುವ ನನ್ನ ನಿರೀಕ್ಷೆಯನ್ನು ಸಂಪೂರ್ಣವಾಗಿ ಹುಸಿಯಾಗಿಸಿದೆ. ಯಾಕೆಂದರೆ ಒಂದು ವಿಭಿನ್ನವಾದ ಮನೋ-ವೈಜ್ಞಾನಿಕ ವಿಷಯವು ಈ ಕಾದಂಬರಿಯ ಕಥಾಹಂದರವಾಗಿತ್ತು. ಕಾದಂಬರಿಯ ಕೊನೆಯಂತೂ completely unexpected! and Amazing.
ನಾನಿದನ್ನು ಮೊದಲು ಹಂಪೆಯ ಐತಿಹ್ಯದ ಬಗ್ಗೆ ಇರುವ ಕಾದಂಬರಿಯೆಂದುಕೊಂಡು ಊಹಿಸಿ ಓದಲಾರಂಭಿಸಿದೆ. ಆದರೆ ಕಥೆಯ ಮೊದಲಲ್ಲೇ ಕಥೆಗಾರನು ತನ್ನ ಆಪ್ತ ವಿಶ್ವನನ್ನು ಕೊಲೆ ಮಾಡಿ ಅತ್ಯಂತ ಕುತೂಹಲವನ್ನು ಸೃಷ್ಟಿಸಿದ್ದಾರೆ. ತದನಂತರ ಅನಾವರಣವಾಗುವ ಕಥೆಯಲ್ಲಿ ಬೇರೆಯೇ ಒಂದು ವಿಷಯವನ್ನು ಹುದುಗಿಸಿ ಬರೆದಿದ್ದಾರೆ, ಎಂದು ಕೆಲಪುಟಗಳು ದಾಟುತ್ತಿದ್ದಂತೆ ಅನ್ನಿಸಿತು. ಮುಂದೆ ಕಥೆಯು ಬೇರೆಯೇ ರೀತಿಯಲ್ಲಿ ತೆರೆದುಕೊಳ್ಳುತ್ತಾ ಪ್ರತಿ ಪುಟವು ಆಸಕ್ತಿಯನ್ನು ಕೆರಳಿಸುತ್ತಾ ಹೋಯಿತು. ಮಧ್ಯಕ್ಕೆ ತಲುಪಿದಾಗ ನನ್ನ ನಿರೀಕ್ಷೆಯಂತೆ ವಿಶ್ವ ಒಬ್ಬ ನಿಗೂಢ ವ್ಯಕ್ತಿ ಎಂದು ತಿಳಿದು ಮತ್ತೊಂದು ಮಟ್ಟದ ತಿರುವು ಕಂಡಿತು. ಕೊನೆಯಲ್ಲಿ ಮತ್ತೊಂದು ತಿರುವು. ಕಾದಂಬರಿಯ ಅಂತ್ಯಕ್ಕೆ ಬರುತ್ತಿದ್ದಂತೆ ಸಂಪೂರ್ಣವಾಗಿ ಅನಿರೀಕ್ಷಿತವಾದ ಅಚ್ಚರಿಯು ಮೂಗಿನ ಮೇಲೆ ಬೆರಳಿಡುವಂತೆ ಮಾಡಿತು. ಕಥೆಗೆ ಸೂಕ್ತವಾಗಿ ಲೇಖಕರು ಹಂಪಿ ಮತ್ತು ತಾಳಿಕೊಟೆಯ ಕದನದ ವಿಷಯಗಳನ್ನು ಅತ್ಯಂತ ಸಮಂಜಸವಾಗಿ ಹಾಗೂ ಜಾಣ್ಮೆಯಿಂದ ಜೋಡಿಸಿದ್ದಾರೆ. ಮಲ್ಲಣ್ಣ ಮತ್ತು ತ್ರಿವಿಕ್ರಮರೆಂಬ ತಾಳಿಕೋಟೆಯ ಯೋಧರ ಮೂಲಕ ಗಿಲಾನಿ ಸೋದರರು ವಿಜಯನಗರಕ್ಕೆ ಮಾಡಿದ ದ್ರೋಹವನ್ನು ಮನಸ್ಸಿಗೆ ತಟ್ಟುವಂತೆ ವಿವರಿಸಿದ್ದಾರೆ. ಹಾಗೂ ಅಂತಹ ದೇಶದ್ರೋಹಿಗಳು ನಮ್ಮ ಮಧ್ಯೆ ಈಗಲೂ ಇದ್ದಾರೆ ಎನ್ನುವುದನ್ನು ಸೂಚ್ಯವಾಗಿ ಹೇಳಿದ್ದಾರೆ.

ಒಟ್ಟಿನಲ್ಲಿ ಒಂದು ಚಾರಿತ್ರಿಕವೆಂಬಂತೆ ಕಂಡುಬರುವ ಈ ಕಾದಂಬರಿಯು ಓದುಗನಿಗೆ ಸಂಪೂರ್ಣವಾಗಿ ಹೊಸವಿಷಯದ ರೋಚಕ ಕಥೆಯನ್ನು ಚರಿತ್ರೆಯ ಹಿನ್ನಲೆಯಲ್ಲಿ ಓದಿದ ಅನುಭವವಾಗುವುದು... ಕಥೆಯನ್ನು ಓದುತ್ತಾ ಹೋಗುತ್ತಿದ್ದಂತೆ ಆಸಕ್ತಿಯು ಪುಟಿದೆದ್ದು ಒಂದೇ ಗುಕ್ಕಿನಲ್ಲಿ ಓದುವಂತೆ ಮಾಡುತ್ತದೆ *ತಾಳಿಕೋಟೆಯ ಕದನದಲ್ಲಿ* ಕಾದಂಬರಿ‌. ಇಂತಹ ಅದ್ಭುತವಾದ ಕೃತಿಯನ್ನು ಬರೆದ ವಿಠಲ್ ಶೆಣೈಯವರಿಗೆ ಅಭಿನಂದನೆಗಳು.