‘ಅಬಲೆಯ ಬಲೆ’ ಎಂಬ 'ಪನ್’ ಉಪಯೋಗಿಸಿ ಉಪಯೋಗಿಸಿ ಶೀರ್ಷಿಕೆ ಇತ್ತಿದ್ದಕ್ಕೂ ಕತೆಯಲ್ಲಿ ಬಲವಾದ ಕಾರಣವಿದೆ. ಇದು ಇಂದಿನ ಪ್ರಸ್ತುತ ವಿದ್ಯಮಾನಗಳಲ್ಲಿ ತಲೆಬರಹದಲ್ಲಿ ಕಾಣಿಸಿಕೊಳ್ಳುವ “ಮನಿ ಲಾಂಡರಿಂಗ್” ( ಅಕ್ರಮ ಹಣ ವಹಿವಾಟು) ವಿವಾದದ ಸುತ್ತ ಹೆಣೆದ ಓರ್ವ ಅಸಹಾಯಕ ತಾಯಿಯ ನಿಗೂಢ ಕತೆ. ಈಕೆ ಮತ್ತು ಪತ್ತೇದಾರರು ಹೇಗೆ ಚಿತ್ರರಂಗ ಮತ್ತು ಬ್ಯಾಂಕಿಂಗ್ ಎರಡನ್ನೂ ಸುತ್ತಿರುವ ಕರಾಳ ದಂಧೆಯ ಮುಸುಕನ್ನು ಸರಿಸಬಲ್ಲರು ಎಂಬುದೇ ಕತೆಯ ಸ್ವಾರಸ್ಯಕರ ಸವಾಲು.
ಈ ಘಟ್ಟದಲ್ಲಿ ವಿಜಯ್- ವಿಕ್ರಮ್ ಜೋಡಿಯ ಹಿನ್ನೆಲೆ ಮತ್ತು ವ್ಯಕ್ತಿತ್ವ ಚಿತ್ರ ನೀಡುವುದು ಸೂಕ್ತವೆನಿಸಿದೆ. ವಿಜಯ್ ದೇಶಪಾಂಡೆ ಈ ಜೋಡಿಯ ತಲೆ (ಬ್ರೈನ್) ಆದರೆ ವಿಕ್ರಮ್ ಕಾರಂತ್ ಅದರ ಸಬಲ ದೇಹ.(ಬ್ರಾನ್). ವಿಜಯ್ ಸೂಕ್ಷ್ಮ ಗ್ರಾಹಿ, ಬಿಜಿನೆಸ್ಸಿನಲ್ಲಿ ನಿಪುಣ. ಸುಳಿವುಗಳನ್ನು ಪತ್ತೆಹಚ್ಚಬಲ್ಲ ಜಾಣ. ವಿಕ್ರಮ್ ಓರ್ವ ಮಿಲಿಟರಿಯ ಹೀ-ಮ್ಯಾನ್ ತರಹ ವ್ಯಕ್ತಿತ್ವದವನು. ಅಸ್ತ್ರ-ಶಸ್ತ್ರಗಳಲ್ಲಿ, ದೈಹಿಕ ಹೋರಾಟದಲ್ಲಿ ಒಂದು ಕೈ ಮೇಲು. ಇಬ್ಬರೂ ಮಿಲಿಟರಿ ಪೋಲೀಸ್ ವೃತ್ತಿಯಲ್ಲಿದ್ದು ಬಂದು ಜಂಟಿಯಾಗಿ ಸಂಸ್ಥೆ ಕಟ್ಟಿದವರು. ವಿಜಯ್ಗೆ ಪ್ರೇಮಿಯಾಗಿ ಆಗಲೇ ಲೂಸಿ ಎಂಬ ಆಂಗ್ಲೋ ಇಂಡಿಯನ್ ಸಮರ್ಥ ವಕೀಲೆ ಹಿಂದಿನ ಕರಾಳಗರ್ಭ ಕತೆಯಲ್ಲಿ ಪರಿಚಿತಳಾಗಿದ್ದಾಳೆ. ಆದರೆ ಆಕೆ ಈ ಕತೆಯ ಓಟಕ್ಕೆ ಅಡ್ಡಿಬರದಂತೆ ಆಗಾಗ ಪೋಷಕ ಪಾತ್ರಧಾರಿಯಂತೆ ಬಂದುಹೋಗುತ್ತಾಳೆ. ಈ ಸರಣಿಯಲ್ಲಿ ಇನ್ನೂ ವಿಕ್ರಮನಿಗೆ ಅವನ ಬಾಳ ಸಂಗಾತಿ ಸಿಗಬೇಕಿದೆ. ಮುಂದಿನ ದಿನಗಳಲ್ಲಿ ಏನಾಗುತ್ತದೋ ಕಾದು ನೋಡಬೇಕು! ಈ ಜೋಡಿ ಪತ್ತೇದಾರರ ಮೂರನೆಯ ಸಾಹಸವನ್ನು ಬರೆಯುತ್ತಿದ್ದೇನೆ.
-ನಾಗೇಶ್ ಕುಮಾರ್ ಸಿಎಸ್
ಪುಟಗಳು: 150
ಈಗ ಓದಿ ಮೈಲ್ಯಾಂಗ್ ಆ್ಯಪ್ ಮೂಲಕ ಎಲ್ಲಿಂದ, ಯಾವಾಗ ಬೇಕಿದ್ದರೂ ನಿಮ್ಮ ಮೊಬೈಲಿನಲ್ಲೇ !