ಡಿಡ್ಡು ದದ್ದು 'ಕಡ್ಡಿ, ಪಡ್ಡು, ಗೊದ್ದ, ಮೊದ್ದು' ಎಂಬ ನಾಲ್ಕು ಜನ ಸ್ನೇಹಿತರ ಕಥೆ. ಪ್ರತಿ ಪುಸ್ತಕದಲ್ಲೂ ತಲಾ ಎರಡು ಕಥೆಗಳಿವೆ. ಆಕರ್ಷಕ ಚಿತ್ರಗಳು ಮತ್ತು ಸರಳ ನಿರೂಪಣೆ ಮಕ್ಕಳನ್ನು ಸೆಳೆಯುತ್ತವೆ. ಮೂರನೇ ಭಾಗದಲ್ಲಿ , 'ಮಾವಿನಹಣ್ಣಿನ ಬೇಟೆ' ಮತ್ತು 'ಒಬ್ಬಟ್ಟು ಎಡವಟ್ಟು' ಎಂಬ ಎರಡು ಕಥೆಗಳಿವೆ. 'ಮಾವಿನಹಣ್ಣಿನ ಬೇಟೆ', ನಾಲ್ಕೂ ಜನ ಸ್ನೇಹಿತರು ಗಿಳಿ ಬೀಳಿಸಿದ ಮಾವಿನಹಣ್ಣಿನ ಜಾಡು ಹಿಡಿದು, ಮಾವಿನ ತೋಪಿಗೆ ಲಗ್ಗೆ ಇಟ್ಟು ಅಲ್ಲಿ ಮಾಡಿಕೊಂಡ ಅವಾಂತರಗಳ ಕಥೆ. ಎರಡನೇ ಅಧ್ಯಾಯ 'ಒಬ್ಬಟ್ಟು ಎಡವಟ್ಟು', ಅತಿಥಿ ಸತ್ಕಾರಕ್ಕಾಗಿ ಪಡ್ಡು ಮಾಡಿದ ಒಬ್ಬಟ್ಟಿನ ಹಿಂದೆ ಬಿದ್ದು ಕಡ್ಡಿ, ಗೊದ್ದ, ಮತ್ತು ಮೊದ್ದು ಮಾಡಿದ ಎಡವಟ್ಟಿನ ಕಥೆ.