ಪ್ರಕಾಶಕರು: ಅಕ್ಷರ ಪ್ರಕಾಶನ
Publisher: Akshara Prakashana
ನಮ್ಮ ಹಿಂದಿನ ತಲೆಮಾರಿನ ಹಲವಾರು ಹಿರಿಯ ಲೇಖಕರ ಬರಹಗಳನ್ನು ಓದಿದಾಗಲೆಲ್ಲ ಅವರ ಓದಿನ ವಿಸ್ತಾರ, ಸಾಹಿತ್ಯಾಸಕ್ತಿಯ ತೀವ್ರತೆ ಮತ್ತು ಅದರ ಹಿಂದಿನ ಪರಿಶ್ರಮ ಕಣ್ಣಿಗೆ ಕಟ್ಟಿದಂತಾಗಿ ಅವರು ಕನ್ನಡದ ಮನಸ್ಸನ್ನು ತನ್ಮೂಲಕ ಶ್ರೀಮಂತಗೊಳಿಸಿದ ರೀತಿಗೆ ಮತ್ತು ಅವರು ಈ ಸಂತೋಷವನ್ನು ತಮ್ಮೊಳಗೆ ಮಾತ್ರ ಉಳಿಸಿಕೊಳ್ಳದೇ ಹಂಚಿಕೊಂಡ ಬಗೆಗೆ ಕೃತಜ್ಞತಾ ಭಾವವೊಂದು ಮೂಡುತ್ತದೆ. ದಿವಾಕರರ ಈ ಲೇಖನಗಳನ್ನು ಓದುತ್ತಿದ್ದ ಹಾಗೆ ನಮ್ಮ ಕಾಲದ ಈ ಕನ್ನಡ ಮನಸ್ಸಿನ ಬಗ್ಗೆ ನನ್ನಲ್ಲಿ ಕೃತಜ್ಞತೆ ಹುಟ್ಟಿತು.
...ಎಲ್ಲ ಶ್ರೇಷ್ಠ ಸಾಹಿತ್ಯದ ಮೂಲದಲ್ಲಿರುವುದು ಕೂಡ ಸಂಬಂಧಗಳನ್ನು ಕಾಣಬಲ್ಲ ಈ ವಿಶೇಷವಾದ ದೃಷ್ಟಿಯೇ. ಅಂದರೆ, ವಿಭಿನ್ನ ಗ್ರಹಿಕೆಗಳನ್ನು ಒಟ್ಟುಗೂಡಿಸಿ ತೋರಿಸುವ ಮೂಲಕ ನಾವು ಜಗತ್ತನ್ನು ಎಂದೂ ನೋಡಿರದ ರೀತಿಯಲ್ಲಿ ಕಾಣಿಸುವ ಪ್ರತಿಭೆ. ಇಲ್ಲಿಯ ಯಾವ ಲೇಖನವನ್ನು ನೋಡಿದರೂ ಇದು ಎದ್ದು ಕಾಣುತ್ತದೆ…
ಸಾಹಿತ್ಯ ಜಗತ್ತಿನ ವಿಸ್ತಾರ, ಈ ಸಂಪತ್ತು, ಈ ಸಂತೋಷ ಏನು ಅನ್ನುವುದನ್ನು ಅರಿಯಲು ಈ ಪುಸ್ತಕ ಕೈದೀವಿಗೆಯಂತೆ ಇದೆ.
- ವಿವೇಕ ಶಾನಭಾಗ
(ಮುನ್ನುಡಿಯಿಂದ)
ಪುಟಗಳು: 390
ಈಗ ಓದಿ ಮೈಲ್ಯಾಂಗ್ ಆ್ಯಪ್ ಮೂಲಕ ಎಲ್ಲಿಂದ, ಯಾವಾಗ ಬೇಕಿದ್ದರೂ ನಿಮ್ಮ ಮೊಬೈಲಿನಲ್ಲೇ !